ABŞ Dövlət Departamenti Birləşmiş Ərəb Əmirliklərinə (BƏƏ) ümumilikdə 1,32 milyard dollar dəyərində hərbi nəqliyyat vertolyotlarının və avadanlıqlarının satışını təsdiqləyib.

Parol.az xəbər verir ki, bu haqda Pentaqonun mətbuat xidməti məlumat yayıb.

“Dövlət Departamenti Birləşmiş Ərəb Əmirlikləri Hökumətinə “CH-47F Chinook” vertolyotlarının və müvafiq avadanlıqların 1,32 milyard dollar məbləğində potensial Xarici Hərbi Satışını təsdiqləmək qərarına gəlib”, - deyə məlumatda bildirilir.

Müqavilə çərçivəsində BƏƏ altı vertolyot, həmçinin yanacaq çənləri, elektrik stansiyaları, naviqasiya cihazları, raket xəbərdarlığı sistemləri, pulemyotlar, həmçinin proqram təminatı və rabitə avadanlıqları almaq niyyətindədir.