Rusiya Xarici İşlər Nazirliyinin sözçüsü Mariya Zaxarova "Telegram" kanalında Silahlı Qüvvələrinin Radiasiya, kimyəvi və bioloji müdafiə qoşunlarının rəisi, general-leytenant İqor Kirillov, eləcə də köməkçisinin ölümü ilə nəticələnən terror aktı ilə bağlı fikir səsləndirib.

Parol.az xəbər verir ki, o, bu terror aktının günahkarlarını tezliklə istintaqın müəyyən edəcəyini bildirib.

Zaxarova eyni zamanda qeyd edib ki, bu hadisəni törədənləri təhrik və təqdir edənlər Fransa, Avstriya, İsveç, Lüksemburq, Niderland, Norveç, Britaniya, Litva, Estoniya, Çexiya, Çili, Uruqvay, Cənubi Koreya və Ukrayna hakimiyyətləridir.

Rusiya XİN-in sözçüsü terror aktlarını dəstəkləyənləri və onların qarşısında məqsədli şəkildə susanları həmin hadisələrin iştirakçısı adlandırıb.