Amerikalı milyarder İlon Mask Kaliforniyanın Los-Anceles şəhərində baş verən meşə yanğınlarının səbəbindən danışıb.

Parol.az xəbər verir ki, o, hadisənin iqlim dəyişikliyi ilə bağlılığını inkar edib.

Maskın “X” sosial şəbəkəsində yazdığına görə, "Əgər iqlim dəyişikliyi ilə bağlı izahat düzgün olsaydı, Kaliforniyadan iki dəfə çox meşə sahəsi olan Texasda evləri məhv edən meşə yanğınları təxminən iki dəfə çox olardı".

Mask həmçinin Los-Ancelesdəki problemin yanğın söndürmə vasitələrinin olmaması ilə əlaqələndirib. O, kifayət qədər su təchizatı ilə bağlı çətinliklər olduğunu da sözlərinə əlavə edib.