Gürcüstanın Baş naziri İrakli Kobaxidze hökumətin iclasında Birləşmiş Ştatlarla ölkəsinin Strateji tərəfdaşlıq sənədinin "mahiyyətini" şərh edib.

Parol.az xəbər verir ki, gürcü baş nazir ölkəsinin Birləşmiş Ştatlarla strateji tərəfdaşlıq sənədini heç bir mahiyyəti olmayan kağız parçası adlandırıb.

Lakin o, ümidlərini Tramp adminstrasiyasından üzmədiklərini deyib.

“Çox böyük ümidlərimiz var ki, ABŞ-nin yeni administrasiyası dövründə əlaqələri yenidən başlada biləcəyik. Biz münasibətləri keyfiyyətcə bərpa etmək və real strateji tərəfdaşlıq haqqında danışmağa başlamaq istəyirik", - deyə Kobaxidze bildirib.