Ukrayna faydalı qazıntılarla bağlı yeni saziş üzrə ABŞ-la məsləhətləşmələrə başlayıb.

Parol.az xəbər verir ki, bunu Ukraynanın xarici işlər naziri Andrey Sibiqa deyib.

O bildirib ki, martın 28-də rəsmi Kiyev sənədin yenilənmiş variantını əldə edib və bununla bağlı müzakirələrin birinci mərhələsi arxada qalıb.

Nazirin sözlərinə görə, müqavilə yalnız hər iki tərəflərin maraqları nəzərə alınmaqla imzalana bilər.

Ukrayna ilə ABŞ arasında faydalı qazıntıların birgə işlənməsi ilə bağlı sazişin detalları üzərində işlər aparılır. Ukrayna rəsmiləri bildiriblər ki, Kiyev öz mineral ehtiyatlarının, o cümlədən neft və qazın birgə işlənməsi ilə bağlı sazişi imzalamağa hazırdır. ​

Bununla belə, ABŞ Prezidenti Donald Tramp Ukraynanı yeraltı sərvətlərlə bağlı sazişi pozmaqda ittiham edib. O, ABŞ-nin Ukraynaya 350 milyard dollar xərclədiyini, lakin bunun qarşılığında heç nə almadığını bildirib. ​