Suriya BMT-ni birtərəfli sanksiyaları ləğv etməyə çağırıb.

Parol.az xəbər verir ki, müvəqqəti hökümət eyni zamanda BMT-ni humanitar ehtiyacları ödəmək üçün lazımi maliyyə ayırmağa səsləyib.

Suriyanın BMT-dəki daimi nümayəndəsi Qusay əd-Dahak Təhlükəsizlik Şurasının iclasında bildirib ki, hökumət həmçinin BMT-yə üzv dövlətləri Suriya xalqının iradəsinə və onların milli seçiminə hörmət etməyə, dövlət institutlarını və onların təhlükəsizliyini, sabitliyin bərpasını və cəmiyyətin inkişafı üçün səyləri dəstəkləməyini istəyir.