Ermənistanın xarici işlər naziri Ararat Mirzoyan Finlandiyanın “Lannen Media” nəşrinə müsahibəsində ölkəsinin Kollektiv Təhlükəsizlik Müqaviləsi Təşkilatına (KTMT) olan narazılığını dilə gətirib.

Parol.az xəbər verir ki, Mirzoyan KTMT-nin Ermənistana biganə münasibətinin İrəvanı çox məyus etdiyini bildirib.

Mirzoyan KTMT-ni öhdəliyini yerinə yetirməməkdə ittiham edib:

“Öhdəlikləri olan müttəfiqlər bir-birinə kömək etməlidirlər, hərbi ittifaqın mənası budur. Bu laqeyd münasibət böyük məyusluğa səbəb oldu".

Mirzoyan müsahibəsində biraz da irəli gedərək, məhz bu "biganəliyin" Ermənistanda ictimai rəyi dəyişdiyini qeyd edib.