Gürcüstanın baş naziri İrakli Kobaxidze Avropa İttifaqının (Aİ) bu ölkədəki səfiri Pavel Gerçinskini sərt şəkildə ittiham edib.

Parol.az xəbər verir ki, o, səfiri hakim “Gürcü Arzusu” partiyasına qarşı əks-təbliğatda və guya ölkənin Avrointeqrasiya prosesini qəsdən dayandırdığı ilə bağlı dezinformasiya yaydığı üçün tənqid atəşinə tutub.

İrakli Kobaxidze qeyd edib ki, Gürcüstana qarşı aparılan dezinformasiya kampaniyasına Avropa İttifaqının nümayəndəsi Pavel Gerçinski də qoşulub:

"Gerçinski seçkilərə qədər deyirdi ki, Gürcüstanın Avropa İttifaqına inteqrasiya məsələsi dayandırılıb, indi isə deyir ki, bu prosesi guya Gürcüstan hökuməti öz təşəbbüsü ilə dayandırıb”.