Türkiyənin milli müdafiə naziri Yaşar Gülər parlamentdə çıxışı zamanı illərdir gözlənilən xəbəri verib.

Parol.az xəbər verir ki, o, Amerika Birləşmiş Ştatlarının F-35 qırıcılarını Türkiyəyə vermək imkanlarının artdığını bildirib.

Y.Gülər parlamentdə büdcə müzakirələrindən sonra millət vəkillərinin suallarını cavablandırarkən qeyd edib ki, Birləşmiş Ştatlar Ankaranın “KAAN” kimi milli qırıcılar istehsal etməyə başladığını gördükdən sonra, fikrini dəyişib.

Xatırladaq ki, ABŞ Rusiyadan “S-400” hava hücumundan müdafiə sistemləri almasını səbəb göstərərək Türkiyəyə F-35 qırıcılarını verməkdən imtina etmişdi.