Almaniyanın yeni kansleri Fridrix Merz Fransaya səfər edib.

Parol.az xəbər verir ki, səfər çərçivəsində Fridrix Merz Fransa Prezidenti Emmanuel Makronla görüşüb.

Merz və Makron Aİ-ni gücləndirmək üçün Fransa-Almaniya əlaqələrini yenidən qurmağa söz veriblər.

“ABŞ olmadan Ukraynadakı müharibəni bitirə bilmərik. Avropa ABŞ-ı əvəz edə bilməz”, - Merz bildirib.

Almaniya kansleri Parisdə Fransa prezidenti Emmanuel Makronla birgə mətbuat konfransında Avropa İttifaqının bütün üzvlərinin müdafiə xərclərini artırmalı olduğunu deyib.

“Yalnız bu yolla biz potensial boşluqlarımızı tədricən aradan qaldıra və Ukraynanı kollektiv şəkildə dəstəkləyə bilərik”, - Merz əlavə edib.

Fridrix Merz bildirib ki, Avropa İttifaqının bütün üzvləri blokun imkanlarındakı boşluqları doldurmaq və Ukraynaya davamlı dəstəyi təmin etmək üçün müdafiə xərclərini artırmalıdır.

Merz yaxın vaxtlarda Ukraynaya səfər etməyi planlaşdırdığını da bildirib.