Polşanın Baş naziri Donald Tusk Ukrayna üçün acı etirafı ilə diqqət mərkəzinə düşüb.

Parol.az xəbər verir ki, Tusk Lvovda Ukrayna prezidenti Volodimir Zelenski ilə danışıqlardan sonra mətbuat konfransında açıq-aydın bildirib ki, Polşanın Ukraynaya yardım göstərmək üçün çox imkanı qalmayıb.

Baş nazir onu da qeyd edib ki, "İndi bizə sonradan qoşulanlara nisbətən bizim daha az imkanlarımız var. Biz Belarusla, Rusiya ilə çox uzun sərhədi də qorumalıyıq”.

Qeyd edək ki, Tusk bu görüşdə bəyan edib ki, Polşa hakimiyyəti Ukraynaya təxminən 100 milyon avro dəyərində yardım ayırmaq qərarına gəlib.