Kanadanın Toronto şəhərində avtomobilləri ilə hərəkətdə olan iki azərbaycanlı gənc gözlənilməz hadisənin şahidi olublar.

Parol.az xəbər verir ki, yol kənarındakı tikanlı məftilə ilişən ceyranın canı ilə əlləşdiyini görən həmyerlilərimiz əylənci basaraq avtomobili yol kənarında saxlayıblar. Gənclərin ilk işi ceyranı ayağının birini sümüyə qədər kəsən o tikanlı məftildən xilas etmək olub.

Bunu bacaran azərbaycanlılar ardınca ceyrana su veriblər. Canında qorxu olduğu aydın sezilən canlının ayağa qalxa bilmədiyindən həmyerlilərimiz dərhal Kanada polisinə zəng edərək, kömək istəyiblər. Zəngdən 15 dəqiqə sonra deyilən ünvana gələn polislər ceyranı aparmaq üçün gəliblər.

Hadisəni fotolarda təqdim edirik: