Bir zamanlar məşhur olan "7-17" mahnı müsabiqəsinin yetirmələrindən olmuş Gülnarə Kərimbəyova (Gülya Bakinskaya) MTV telekanalında yayımlanan "Solo star" verlişinə iştirak üçün qatılmaqla təəccübləndirməyi bacarıb.

Parol.az xəbər verir ki, uzun illərdir gözdən-qulaqdan uzaq düşən bu qadın müğənni efirdə özü ilə bağlı inanılmaz etiraflar edib.

Gülnarə Kərimbəyovanın ən gözlənilməz açıqlaması isə məşhur dünyaşöhrətli azərbaycanlı bəstəkar Asəf Zeynallının nəslindən olduğu ilə bağlı dedikləri olub.

Verlişdən sonra Parol.az-a bu barədə daha geniş açıqlama verən xanım ifaçı dünyaşöhrətli bəstəkarın nəslindən olmasına rəğmən uzun illərdir efirlərdən uzaq düşməsinə aydınlıq gətirib:

"Səbəb odur ki, heç vaxt bu adı dilimə gətirməmişəm, istifadə etməkdən qaçmışam özüm. Hər şeyi özüm etməliyəm və edəcəm. Mən uşaq olanda Asef Zeynallının ailəsinin "Tarqovu"da yaşadığı evə nənəm məni çox aparardı. 

Uşaqlığım A.Zeynallının qardaşı Cəfər Zeynallı gildə keçib. O, Bakının keçmiş prokuroru olub. Cəfər Zeynallının nəvəsi var idi adi Asəf Zeynallı. Mərhum bəstəkar Asəf Zeynallının qardaşı oğlanları var idi, Tamerlan Zeynallı və Asəf Zeynallı. Onlari axtarıram, amma Bakı böyük şəhərdir, onlar mənim uşaqlığımın xatirələridir".

Qeyd edək ki, bu gün Azərbaycan Milli Konservatoriyası nəzdində Musiqi Kolleci məhz Asəf Zeynallının adını daşıyır.