"Rəsmi Qahirə Qəzza zolağında atəşkəsə nail olmaq üçün mümkün olan bütün səyləri göstərir".

Parol.az xəbər verir ki, bunu Misir Prezidenti Əbdülfəttah əs-Sisi Fələstin Milli Administrasiyasının sədri Mahmud Abbasla danışığı zamanı bildirib.

Sisi həmçinin qeyd edib ki, Yaxın Şərqdəki zorakılığa son qoymaq və bölgənin bərpası və yenidən qurulmasına diqqət yetirmək üçün siyasi iradə göstərmək lazımdır.

"Müharibənin getdiyi, insanların evlərini tərk etmək məcburiyyətində qaldığı, aclıq və xəstəliyin hökm sürdüyü bir vaxtda ciddi addımlar atmaq mümkün deyil", - deyə Misir prezidenti qeyd edib.