“İordan çayının qərb sahili İkinci İntifadadan (2000-ci ilin sentyabrından 2005-ci ilin əvvəlinə qədər davam edən Fələstin qiyamından) sonra ən böyük İsrail hücumu ilə üzləşir.”

Parol.az xəbər verir ki, bunu BMT-nin işğal olunmuş Fələstin ərazilərində insan haqlarının vəziyyəti üzrə xüsusi məruzəçisi Françeska Albaneze deyib.

"İsrail Fələstin torpaqlarını ələ keçirmək və fələstinliləri didərgin salmaq üçün uzunmüddətli planını həyata keçirdiyi üçün fələstinlilər real kütləvi etnik təmizləmə təhlükəsi ilə üz-üzədir", - deyə o, bildirib.

BMT-nin xüsusi məruzəçisi vurğulayıb ki, işğal edilmiş İordan çayının qərb sahili İkinci İntifadadan bəri ən pis hücumu ilə üzləşir:

“İsrail hava hücumları həyata keçirir, zirehli buldozerlərdən istifadə edir, evlərə basqın edir və sökür, kəndləri və yaşayış üçün zəruri olan infrastrukturu, o cümlədən kənd təsərrüfatı sahələrini məhv edir", - o deyib.