BMT-nin Baş katibi Antoniu Quterrişin BRİCS sammitində iştirak üçün Kazan səfəri Ukrayna rəhbərliyini ciddi narazı salıb.

Parol.az xəbər verir ki, Prezident Volodimir Zelenski BMT-nin Rusiya səfərindən sonra Quterrişin ölkəsinə gəlməsini istəməyib və onun səfər etmək istəyini geri çevirib.

Bu barədə Ukrayna prezident administrasiyasındakı mənbədən qeyd edildiyi deyilir.

Bu ökənin Xarici İşlər Nazirliyi BMT-nin Baş katibinin bu qərarını daha sərt şəkildə tənqid edib. Qurum Quterrişin Ukraynanın İsveçrədə təşkil etdiyi sülh sammitində iştirak etmədiyi halda Kazana uçmasını sülh işinə töhfə verməyən səhv seçim kimi dəyərləndirib, bunu BMT-nin nüfuzuna xələl adlandırıb.