Rusiya prezidenti Vladimir Putinlə Amerika lideri Donald Trampın görüşü ilə bağlı hələ ki anlaşma yoxdur.

Parol.az xəbər verir ki, bu barədə Kremlin mətbuat katibi Dmitri Peskov bildirib.

“Belə bir anlayış yoxdur, bəlkə də bugünkü danışıqların nəticələrinə əsasən müəyyən təxminlər ortaya çıxacaq, lakin biz bunu sonra, bu dialoq başa çatdıqdan sonra öyrənəcəyik”, - deyə D,Peskov vurğulayıb.

Qeyd edək ki, bu gün Rusiya və Amerika nümayəndə heyətləri Ər-Riyadda danışıqlar aparır, Ukrayna böhranı daxil olmaqla iki ölkənin rəsmiləri bir sıra iqtisadi layihələr üzrə əməkdaşlığın bərpasını müzakirə edirlər. Görüşdə həmçinin Rusiya və ABŞ liderləri - Vladimir Putin və Donald Trampın görüşünə hazırlıq məsələsinə baxılacaq.