Oktyabrın 21-də axşam saatlarında Ucarın Alpout kəndi ərazisindən keçən hissəsində qeydə alınan dəhşətli yol-nəqliyyat hadisəsi zamanı 3 nəfərin (2 qadın, 1 kişi) öldüyü xəbəri böyük şok yaşatdı.

Parol.az xəbər verir ki, Ucarın Qazıqumlaq kənd sakini, 1992-ci il təvəllüdlü Aytən Qüdəssərovanın idarə etdiyi "Peugeot" markalı avtomobil qarşıda gedən "KamAZ"a çırpılmasının ardından minik avtomobili alışıb yanıb. 

Nəticədə A.Qüdəssərova, sərnişinləri olan Ucar rayon sakinləri, 1961-ci il təvəllüdlü Gülsurə Hüseynova və 1986-cı il təvəllüdlü Asim Allahverdiyev hadisə yerində yanaraq ölüb. Digər sərnişin, 2007-ci il təvəllüdlü Səma Qüdəssərova xəstəxanaya yerləşdirilib.

Bildirilir ki, qəzada həyatını itirən Asim Allahverdiyev Ucarda və ətraf rayonlarda meyxanaçı kimi tanınıb və Asim Ucarlı adı ilə fəaliyyət göstərib.