ABŞ-dəki qeyri-qanuni miqrantların deportasiyası ilə bağlı qanun səbəbindən Prezident Donald Tramp vaxtilə müharibə səbəbindən ölkəyə gəlmiş 240 min nəfər ukraynalı miqrantın müvəqqəti hüquqi statusunu ləğv etməyi planlaşdırır.

Parol.az xəbər verir ki, bu barədə xəbəri “Reuters“ yayıb.

Bildirilib ki, aprel ayından qüvvəyə minəcək və ümumilikdə 1,8 milyon nəfər miqranta təsir edəcək yeni qaydalar həmin şəxslər üçün ciddi nəticələr doğuracaq.

Müvəqqəti yaşamaq hüququndan məhrum ediləcək miqrantların ABŞ ərazisindən deportasiya proseduru daha da sürətləndiriləcək.