Kreml ABŞ prezidenti Donald Trampın Qəzza ilə bağlı açıqlamalarına münasibət bildirib.

Parol.az xəbər verir ki, Rusiya prezidentinin sözçüsü Dmitri Peskov Kremlin Trampın Qəzza sakinlərinin köçürülməsi və orada kurort yaradılması təklifindən xəbərdar olduqlarını söyləyib.

Onun bildirib ki, Rusiyanın Yaxın Şərq nizamlanması ilə bağlı mövqeyi aydındır.

“Nizamlanma yalnız iki dövlət əsasında baş tuta bilər. Bu, BMT-də təsbit edilmiş və bu problemlə məşğul olan ölkələrin əksəriyyəti tərəfindən dəstəklənən tezisdir. Biz bu mövqedən çıxış edirik və bunun yeganə mümkün variant olduğuna inanırıq, - deyə D.Peskov bildirib.