Misirin dövlət başçısı Əbdülfəttah əs-Sisi Yaxın Şərqdə hazırkı münaqişənin genişlənməsinin və hərtərəfli regional müharibəyə çevrilməsinin yolverilməzliyini bildirib.

Parol.az xəbər verir ki, Misir liderinin administrasiyasının məlumatında qeyd edilir ki, o, bunu İran xarici işlər naziri Abbas Əraqçi ilə görüşü zamanı deyib.

Administrasiyanın məlumatında o da qeyd edilib ki, Sisi Misirin mövqeyini bir daha təsdiqləyərək, hazırkı münaqişəni genişləndirməməyə və regionun gələcəyi üçün ağır nəticələrə səbəb olacaq genişmiqyaslı müharibəyə imkan verməməyə çağırıb.