“İsrailin martın 18-də atəşkəsi pozmasından sonra Qəzzada 400 minə yaxın insan didərgin düşüb.”

Parol.az xəbər verir ki, bunu BMT-nin sözçüsü Stefan Dujarrik deyib.

Bölgədəki həmkarlarından aldığı məlumatlara istinadən danışan Düjarrik İsrailin hücumlarını dayanmadan davam etdirdiyini və nəticədə çoxlu sayda mülki şəxs həlak olduğunu deyib.

Ölən və yaralananların arasında uşaqların da olduğunu qeyd edən Dujarrik, davamlı olaraq köçkün vəziyyətində olan Qəzza xalqının getdikcə daha kiçik ərazilərə sıxışdırıldığını bildirib.

Diplomat İsrailin müntəzəm olaraq peyvənd, qida və yanacaq daxil olmaqla bütün humanitar yardımların ölkəyə girişinin qarşısını aldığını aldığını da vurğulayıb.