Moskva vilayətində hərbi ali məktəblərin kursantları üçün yataqxanada Ukrayna tərəfindən planlaşdırılan terror aktının qarşısı alınıb.

Parol.az xəbər verir ki, bu barədə Rusiya Federal Təhlükəsizlik Xidməti (FSB) məlumat yayıb.

Bildirilib ki, terror aktının hazırlanması üçün Ukrayna xüsusi xidmət orqanları tərəfindən əməkdaşlığa cəlb edilmiş Rusiya Müdafiə Nazirliyinin hərbçisi saxlanılıb.

Qeyd olunub ki, saxlanılan şəxsdən partlayıcı qurğunun hissələri müsadirə edilib. Bundan əlavə, planlaşdırılmış cinayətin müzakirə olunduğu ukraynalı kuratorla yazışmalar da aşkar edilib.