xəbər portalı

    Binəqədidə yanan bina üzrə məhkəmə bu gün qərar verəcək

    Bölmə: Cəmiyyət Dərc olunan tarixi: 30-06-2016, 13:39
    Binəqədidə yanan bina üzrə məhkəmə bu gün qərar verəcəkBu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmənin hazırlıq iclası davam etdirilib.

    Virtualaz.org saytının əldə etdiyi xəbərə görə, prosesə hakim Əfqan Hacıyev sədrlik edib. Hazırlıq iclasında təqsirləndirilən şəxslər ötən məhkəmə iclasında vəkillər tərəfindən qaldırılan vəsatətlərə münasibət bildiriblər.

    Həmin şəxslər hüquqlarını müdafiə edən şəxslərin məhkəməyə təqdim etdikləri vəsatətləri müdafiə ediblər. Zərərçəkmiş şəxslər - Tofiq Mustafayev, İdris Xəlilov və Heyvagül Əfəndiyeva da təqsirləndirilən şəxslərin vəkillərinin vəsatətlərinə mövqe bildiriblər. Həmin şəxslər də vəkillərin çıxışı ilə razı olduqlarını deyiblər.

    Dövlət ittihamçısı Fərid Nağıyev isə çıxışında vəsatətlərin təmin olunmamasını istəyib.

    Daha sonra məhkəmə heyəti müşavirə otağına yollanıb. Məhkəmə qərarı günün ikinci yarısında elan olunacaq.

    Qeyd edək ki, ötən il mayın 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olmuş yanğın hadisəsi ilə bağlı Cinayət Məcəlləsinin müvafiq maddələri ilə cinayət işi başlanıb.

    Qulluq mənafeləri tələb etdiyi halda səlahiyyətlərindən istifadə etməmələri nəticəsində vətəndaşların, dövlətin hüquqlarına və qanunla qorunan mənafelərinə mühüm zərər vurmalarında kifayət qədər əsaslar olduğundan binaların üzlənməsində istifadə olunan “poliuretan” məmulatını istehsal edən "Qlobal Stone" və "Global Constuction" MMC təsisçisi Yusif Mahmudov, “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı mənzil-kommunal istismar sahəsinin rəisi Nizami Orucov və binanın poliuretan materialla üzlənməsi işlərinə nəzarət funksiyalarını həyata keçirməli olan, 2012-2013-cü illərdə Binəqədi rayon İcra Hakimiyyəti başçısının birinci müavini işləmiş Qəzənfər Novruzov, Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində cəlb edilərək barələrində məhkəmənin qərarları ilə 4 ay müddətinə həbs qətimkan tədbiri seçilib. Həmin müddət bir neçə dəfə artırılıb.

    Bundan başqa, cinayət işinə "Dərnəgül Boru" Zavodunun laboratoriya rəhbəri Ağacavad Məmmədov və Səhiyyə Nazirliyi yanında Gigiyena və Epidemiologiya Mərkəzinin baş direktoru Akif Əlibəyov da cəlb edilib. Onlar barəsində həbs-qətimkan tədbiri seçilməyib.

    Yanğın nəticəsində 15 nəfər ölüb, 50 nəfər xəsarət alıb.скачать dle 10.3Скачать игры для Android
    Şərh yaz
    Fikirlərinizi düzgün və müfəssəl ifadə edin

    Введите код:
    Təhlükəsizlik kodunun təsviri üçün bu şəkildəki kodu daxil edin
    yenilə, əgər kod görünmürsə



    Binəqədi rayonunda yanan binaya görə təqsirləndirilənlərdən biri komaya düşüb

    Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə bu günə təyin olunan məhkəmə prosesi təxirə salınıb....

    Qonşusunu qətlə yetirdi

    Bu gün Bakı Ağır Cinayətlər Məhkəməsində qəsdən adam öldürməkdə ittiham olunan Kamran Bağırovun cinayət işi üzrə məhkəmənin hazırlıq iclası keçirilib....

    Polisi güllələyən şəxsə 11 il cəza verildi

    Bu gün Bakı Ağır Cinayətlər Məhkəməsində qız üstündə keçmiş polis əməkdaşını öldürməkdə təqsirləndirilən Rövşən Həsənovun cinayət işi üzrə məhkəmə prosesi başa çatıb....

    İntiqam Əliyev azadlığa buraxıldı

    Baş prokuror Zakir Qaralovun Hüquq Maarifçiliyi Cəmiyyətinin sədri İntiqam Əliyev barəsində Ali Məhkəmənin Plenumuna verdiyi protest əsasında məhkəmə prosesi keçirilib....

    Bakıdakı “Çinar” restoranında yanğın baş verdi

    Paytaxtın Binəqədi rayonunda yerləşən “Çinar” restoranında yanğın baş verib....

Xəbər lenti
Оцените работу движка

image
image
image
image
Sayt haqqında

Parol.az
Açar sözləri

новости, по, шаблоны

«    Sentyabr 2018    »
BeÇaÇCaCŞB
 12
3456789
10111213141516
17181920212223
24252627282930
Müəllif: Hasankhani Vipmarket 2016 il.